Кина го доби првиот светски шампион во снукер во историјата, а таков подвиг и успех успеа да направи 28-годишниот Џао Синтонг.
Тој вечерва го комплетираше убедливиот настап во финалето на најпрестижниот снукер турнир, Светското првенство кое традиционално се игра во Шефилд.
Џао вечерва требаше да освои само еден фрејм во четвртата сесија и на крајот го победи велшкиот ветеран Марк Вилијамс со убедливи 18:12, а на патот до најважниот трофеј во кариерата постави неколку нови рекорди.
Кинескиот „циклон“ влезе на турнирот како аматер, мораше да игра четири квалификациски рунди, за на главниот турнир без проблеми да ги елиминира сите ривали, вклучувајќи го убедливиот триумф над снукер легендата Рони О’Саливен во полуфиналето.
Само малку подобро помина трикратниот светски шампион Вилијамс, кој претходно ги елиминира големите ривали Џон Хигинс и Џад Трамп, но немаше сили за трета голема победа во серија и потфрли во финалето.
Џао стана првиот кинески и азиски победник на светското првенство во „Крусибл“, а за овој успех ќе заработи 500.000 фунти. Со овој резултат ќе се искачи и на 11. место на светскиот ранкинг, следната година ќе се врати меѓу професионалците, додека утеха за Вилијамс е што стана најстар финалист (50 години) во историјата на светските првенства.
