Каубојските компири се познати по своите едноставни состојки и брз начин на подготовка. Комбинацијата од компири, чадена сланина и пржен кромид дава јадење кое може да биде самостоен оброк или одличен прилог со печено месо.
Потребно:
- 1 кг компири
- 200 г димена сланина
- 1 поголема главица кромид
- 80 мл млеко
- 40 г путер
- 2 лажици масло
- сол и бибер по вкус
- сечкан магдонос по желба
Подготовка: Излупете ги компирите, исечете ги на поголеми парчиња и варете ги во посолена вода околу 25 минути додека не омекнат. Во меѓувреме, исечете ја сланината на коцки и пропржете ја во тава додека не добие златно-кафеава боја. Додадете ситно сечкан кромид и продолжете со пржење додека не омекне. Исцедете ги компирите и изгмечете ги заедно со путер и млеко, оставајќи по некое поголемо парче за подобра текстура. Додадете ја сланината и кромидот во компирите, зачинете со сол и бибер, па кратко вратете на тивок оган за да се соединат вкусовите. Посипете со магдонос и послужете топло.
