Кога жештината бара нешто лесно и освежувачко, капрезето е вистинскиот избор. Италијанската класика комбинира свежи домати, кремаста моцарела и мирисен босилек – едноставна хармонија на вкусови што секогаш плени.
Состојки:
- свежи домати (по можност зрели и сочни)
- моцарела (најдобро свежа, во топчиња)
- свеж босилек
- маслиново масло
- сол и бибер
Подготовка:
Се мијат доматите и се сечат на тенки кругови. Моцарелата се сече на парчиња со иста дебелина. На чинија се редат домат и моцарела наизменично, а меѓу нив се ставаат свежи листови босилек. Се полева со маслиново масло, се додава малку сол и свежо мелен бибер.
Совет: За уште побогат вкус, може да се додаде неколку капки балсамико крем.
