И Врховен суд им ги одби барањата на осудените за „27 април“ за одново да се суди

И Врховен суд им ги одби барањата на осудените за „27 април“ за одново да се суди – остануваат во затвор.

„Советот за казниви дела при Врховниот суд на седницата одржана на 26.04.2023 година, продолжена денеска, одлучуваше по поднесените барања за вонредно преиспитување на правосилна пресуда по предметот познат во јавноста како „27 април“. Советот донесе пресуда со која барањата за вонредно преиспитување на правосилната пресуда на Основниот кривичен суд скопје и на пресудата на апелациониот суд скопје, ги одби како неосновани“, велат од Врховен суд.

Со ова се исцрпија сите законски можности за ново судење, па осудените ќе останат во затвор до издржување на казните, ако во меѓувреме не биде донесен нов закон за амнестија.