По Реал Мадрид и Атлетико Мадрид не успеа да го добие својот меч од 24. коло во шпанската Примера или поточно избраниците на Чоло Симеоне освоија само бод против Селта Виго.
Домаќините уште во 5 минута останаа без услугите на Бариос кој заработи директен црвен картон што беше најава за тежок натпревар. Немаше промени на резултатот во првиот дел, односно до првиот гол на „Ванда Метрополитано“ се чекаше до 68 минута кога Аспас беше сигурен реализатор на најстрогата казна.
Атлетико не се предаде и преку нововлезениот Серлот израмни на 1-1 во 81 минута. Нови промени немаше, па така Атлетико не го искористи денешниот кикс на Реал кој ремизираше со Осасуна, поточно актуелниот првак е прв со еден бод повеќе од градскиот ривал.
Меѓутоа оваа ситуација може да ја промени Барселона која ако во понеделник го добие Рајо Валјекано тогаш ќе го преземе врвот на табелата.
