ДЕЛ ОД МОНОГРАФИЈАТА „СЛАВЕ КАТИН – ЖИВОТ И ДЕЛА“
Делото 3 и 4„Творештвото на Славе Катин (прво и второ издание)“(2021 и 2023), се публикации на Душан Ристевски-Македон, во соработка со Славе Катин„ а ги издадоја:„Македонска искра“ од Скопје и Македонското литературно друштво „Григор Прличев“ од Сиднеј.
Рецензенти на првото издание се: проф, д-р Вера Стојчевска-Антиќ Александар Донски и Славе Катин, а на второто издание рецензенти се: проф, д-р Вера Стојчевска-Антиќ Џорџ Атанасоски Александар Донски. Двете книги се спонзорирани од Фондацијата „Ѓорѓија – Џорџ Атанасоски“ од Македонија.
За овие две мои публикации кои се однесуваат на моето творештво, Душан Ристевски го напиша следното:
„Двете публикации се значајни и по многу нешта единствени монографи од овој вид кои се посветени на публицистичката дејност на Славе Катин. Делата претставуваат исцрпен осврт за делата на Славе Катин кои се однесуваат на вистината на неговото творештво кое е посветено на македонското иселеништво ширум светот, на црковно-духовниот живот, на потеклото, животниот пат и постигнувањата на голем број познати личности во иселеништвото и во Македонија.
Публикацијата е слика за животот и делото на Славе Николовски-Катин кој е познат само како Славе Катин, кој е книжевник, журналист, публицист и аналитичар на Маке–донците во светот. Тој е познат на македонската и на меѓународната јавност по неговите бројни публикации, новинарски и научни трудови кои се посветени, главно, на етничка Македонија, на животот на Македонците во светот, на Македонската православна црква – Охридска архиепископија и на Античка Македонија..
Со монографиите „Творештвото на Славе Катин“ се прави обид да се фрли свет–лина врз неговиот животен пат и творештво. Трудот е компониран во повеќе делови, во кои секој дел има посебни текстови, претставувајќи хронолошка и тематска заокружена целина. Сите тие делови се сликата на делата.
Тие претставуваат значаен придонес во натамошното проширување на созна–нијата за драмата на македонскиот народ и за нејзините режисери, коишто со неизмерна упорност ја продолжуваат со децении и векови и сѐ уште упорно ја продолжуваат сатанската намера и се надеваат до конечното искоренување на Македонците од нивниот дел на Балканот.
Второто проширено издание на делото „Творештвото на Славе Катин“ е посветено на „Наградата за животно достигнување“ (2022), за Славе Катин од организацијата „Обединетата македонска дијаспора“ (ОМД) од Вашингтон, (САД), за постигнувањата на полето на иселеништвото“, напиша Душан Ристевски-Македон.
Промоции и објави:
Во организација на Литературното друштво „Браќа Миладиновци“, кое е во состав на Катедралната македонската православна црква “Свети Климент Охридски” во Торонто, Канада, на 05-ти декември 2021 година, се одржаа промоции на делата „Ченто“, „Творештвото на Славе Катин- Прво издание“ и „Последниот Македонец“ од Душан Ристевски-Македон од Сиднеј, Австралија. Овој културен настан го отвори Драгица Димовска уредник и водител на радио часот „Обединета Македонија“ од Торонто, а за делата зборуваа: Проф. Филип Ангелковски, Славе Катин и Зоран Карапанчев.
Исто така, во организација на Литературното друштво „Браќа Миладиновци“ од Торонто, на 19-ти март 2023 година, се одржаа промоции на делото „Творештвото на Славе Катин – Второ издание“ од Душан Ристевски-Македон од Сиднеј и „Силјан Мицевски“ на Славе Катин од Македонија. Делото го претстави Зоран Карапанчев., претседател на Литературното друштво „Браќа Миладиновци“, кое е културна секција на Катедралната македонска црква „Св. Климент Охридски“ од Торонто.
Во порталот „Македонска нација“, во 2022 година се објавени шеесет (60) продолженија од монографијата „Творештвото на Славе Катин“, а исто толкав број се објавени и во „Македонско сонце“. Исто така, во Мактел се објавени околу 50 продолженија во текот на 2025 и 2026 година.
Продолжува
Пишува: СЛАВЕ КАТИН
