Со поддршка на пратениците на Левица но и пратеникот Илир Демири од крилото на Села и Бејџан Иљас од Демократската партија на Турците власта стигна до потребното двотретинско мнозинство гласови за да го изгласа Законот за прекршоци попознат како сејф сити.
Прв процедурално се јави пратеникот и координатор на Левица Борислав Крмов кој посочи дека иако законот не е идеален и тековно ќе се надоградува сепак ќе го поддржат поради безбедноста и спасувањето на човечките животи .
Против се изјанија и од СДСМ кои како и изминатите денови законот го дефинираа како закон за казни кој ја става под знак прашање безбедноста на личните податоци.
И албанскиот опозициски блок со исклучок на пратеникот и доктор Илир Демири од крилото на Села останатите се изјаснија против. Иако ДУИ деновиве најавуваа дека ќе го поддржат законското решение доколку се прифатат нивните сугестии во делот на албанскиот јазик и уште неколку други забелешки сепак тоа не се случи.
Партиите од албанскиот опозициски блок во законското решение препознаваат дискриминација бидејќи законот за сега ќе се применува само на територија на Скопје, Куманово и Тетово .
Законот за прекршоци односно сејф сити стапува на сила од први февруари . До 31 јануари како што најавија од МВР е периодот на тесирање на системот за веќе на почетокот на наредниот месец и официјално почнува неговата имплементација.
