Грчкиот чудак повторно одигра извонредна партија и израмни рекорд стар 51 година. Хрватот Богдановиќ одигра одлична партија во победата над актуелниот шампион Голден Стејт.

Јанис Адетокунбо постигна 30 поени, имаше 21 скок и 10 асистенции во неговиот втор трипл-дабл сезонава и 31-ви во кариерата во победата на Милвоки Бакс над Торонто Репторс со 104:101.

Воедно и израмни 51 година стар рекорд во НБА, станувајќи прв од 1972 година и Карим Абдул-Џабар со 200+ поени, 80+ скокови и 30+ асистенции во период од 5 натпревари.

Еден од најдобрите натпревари во сезоната одигра Бојан Богдановиќ во победата над актуелниот шампион Голден Стејт Вориорс од 122:119.

Неговиот Детроит Пистонс со тројка во последната секунда го победи Пистонс. Богдановиќ за нешто повеќе од 33 минути игра постигна 29 поени за својот тим.

Богдановиќ заврши со 10/15 од поле, од кои одлични 5/6 за три поени. Уфрли 4 од 5 слободни фрлања, а имаше и 4 скока и 4 асистенции

Детроит имаше три поени предност на 4,2 секунди до крајот, а потоа Клеј Томпсон со тројка израмни на 119:119. Во последната секунда пред крајот на натпреварот Пистонс ја зедоа топката од страничната линија, Беј ја прифати и ја внесе в кош за победа.

Џејлен Дурен поентираше од сите 8 обиди и натпреварот го заврши со 18 поени и 11 скока.

Феникс Санс беа поразени од Кливленд Кавалирс со 88:90. На 4 секунди до крајот Еван Мобли постигна поен. Санс ги предводеа Крис Пол со 25 поени и 8 асистенции и Деандре Ајтон со 15 поени и 18 скока.

Резултати:

Шарлот Хорнетс – Мемфис Гризлис 107:131
Кливленд Кавалирс – Феникс Санс 90:88
Орландо Меџик – Оклахома Сити Тандер 126:115
Филаделфија 76ерс – Индијана Пејсерс 129:126 (прод.)
Њујорк Никс – Сан Антонио Спарс 117:114
Торонто Репторс – Милвоки Бакс 101:104 (прод.)
Чикаго Булс – Бруклин Нетс 121:112
Минесота Тимбервулвс – Портланд Трејл Блејзерс 113:106
Њу Орлеанс Пеликанс – Хјустон Рокитс 119:108
Голден Стејт Вориорс – Детроит Пистонс 119:122
Лос Анџелес Лејкерс – Мајами Хит 112:109
Сакраменто Кингс – Атланта Хокс 117:120