Студениот атмосферски фронт од регионот пристигна во Македонија и на кратко предизвика значителен пад на температурите, силен северен ветер, врнежи од дожд на пониските места, како и снег на планините како и во некои повисоки населени места во западните и во северните предели од државава, пишува во својот најнов пост Славчо Поповски.
Снежно утринава беше на планинскиот превој Стража, како и на Ѓавато, напиша тој, а објави и фотографии и видео.
Атмосферскиот фронт беше брз, а екипите на ЈП Македонија пат постојано се на терен, секако коловозите на планинските превои се целосно чисти.
Во следните денови продолжува многу променливото време со повремени врнежи од дожд со променлив интензитет, повремено засилен јужен ветер а локално врнежите ќе бидат поројни и проследени со појава на грмежи. Температурите повторно ќе бележат тенденција на значителен пораст.
