ДЕЛ ОД МОНОГРАФИЈАТА „СЛАВЕ КАТИН – ЖИВОТ И ДЕЛА“
Во 1991 година, во рамките на едицијата „Сведоштва” на „Нова Македонија”, го објавив новото дело под наслов„Македонските православни црковни општини во Австралија, Канада и САД“ (1991),чиј издавач беше„Нова Македонија“, отпечатено на 192 страници, на македонски јазик. Делото беше одобрено од директорот Панде Колемишевски и главниот и одговорен уредниК Георги Ајановски.
Рецензенти на оваа публикација се академик Блаже Ристовски и митрополитот Кирил. Таа е трето мое дело и прв и скромен историски обид за периодизација на македонските православни цркви и манастири во прекуокеанските земји.
Тоа е дело во кое се опфатени сите македонски православни црковни општини, цркви, манастири и нивните асоцијации, кои се под јурисдикција на Македонската православна црква-Охридска архиепископијаи (МПЦ-ОА) во Австралија, Канада и САД. Притоа е даден нивниот историски развој и нивните постигнување на религиско и културно-национално поле.
Инаку. МПЦ-ОА игра значајна улога во опфаќањето и сплотеноста на Македонците надвор од Македонија. По обновувањето на самостојноста на Охридската архиепископија во 1958 година и на автокефалноста во 1967 година, МПЦ направи силен пробив меѓу бројното македонско иселеништво од сите делови на Македонија во прекуокеанските земји САД, Канада и Австралија, како и во денешната Европска унија и во други земји.
Промоции и објави:
На првата промоцијата на публикацијата„Македонските православни црковни општини во Австралија, Канада и САД”штосе одржа во Културниот центар „Сарај” во Ресен на 19.октомври 1991 година, а по повод осумте века на црквата „Св. Ѓорѓи” во Курбиново, промоторот на делотобеше академик Блаже Ристовски, тогашен потпретсдател на експертската влада на Република Македонија и претседател на Комисијата за односи со верските заедници, истакна:
„Славе Катин кој е подпретседател на Комисијата за односи со верските заедници на Република Македонијадава глобален преглед од појавата на македонските православни црковни општини до современиот црковен живот на македонските доселеници во прекуокеанските земји, САД, Канада и Австралија. Активното духовно и културно просветно живеење на Македонците во дијаспората, наметнува, во определен обем и време, низа суштински прашања, што се однесуваат на вистината за МПЦ и за македонскиот народ“ истакна д-р Ристовски.
Исто така, на 22.08.2018 година на Книжевна средба со мене во „Прличевата одаја“ на НУ Библиотека „Григор Прличев“, во Охрид, д-р Томе Груевски претстави дел од содржината на делото „Македонските православни црковни општини во Австралија, Канада и САД“.
Од ова дело во порталот „Македонска нација“ од Скопје се објавени триесет и три (33) продолженија за македонските православни црковни општини и цркви во Аватралија, Во истиот портал се објавени педесет и шест (56) продолженија за македонските православни цркви, црковни општини и манастири во САД и Канада (на македонски). Потоа, 33 продолженија се објавени во „Македонски збор“ од Детроит и истите се објавени во порталот на Матицата на иселениците од Македонија.
Во порталот „Македонска нација“, во 2022 година се објавени шеесет и три (63) продолженија во рубриката ФЕЉТОН. Исто така, шеесет и три (63) продолженија се објавени и во порталите „Македонско сонце“ од Скопје
Продолжува
Пишува: СЛАВЕ КАТИН
