Македонската фудбалска репрезентација безбедно пристигна во Скопје, откако претходно доживеа непријатна ситуација при патувањето од Истанбул поради технички проблем со авионот.
Имено, летот кон македонската престолнина бил прекинат кратко по полетувањето, кога авионот, по проценка и барање на пилотот, направил кружна рута и се вратил на аеродромот во Истанбул.
Фудбалерите и стручниот штаб поминале неколку часа во чекање додека надлежните служби вршеле техничка проверка и отстранување на дефектот, по што била издадена дозвола за продолжување на патувањето.
По добиеното зелено светло, репрезентацијата повторно полетала и успешно слетала во Скопје, со што драмата околу враќањето заврши без дополнителни проблеми.
