Актуелниот шампион во формула 1, Макс Ферстапен триумфално ја отвори и новата сезона откако прв ја мина целта на трката за ГН на Бахреин.
Откако најпрво дојде до пол-позицијата, Ферстапен доминантно ја извозе и главната трка. Возачот на Ред бул немаше конкуренција и прв стигна до целта.
Второто место го освои неговиот клупски колега, Серхио Перез со што комплетираше максимални бодови за Ред Бул на првата трка.
Најголем губитник беше Шарл Леклер кој стартуваше како втор, а заврши на четвртата позиција, пред него беше другиот возач на Ферари, Карлос Саинц кој се качи на подиумот.
Во топ десет завршија Џорџ Расел, Ландо Норис, Луис Хамилтон, Оскар Пјастри, Фернандо Алонсо и Ленс Строл.