Заборавете на класичниот италијански тирамису – оваа раскошна, дубајска верзија го издигнува десертот на сосема ново ниво!
Комбинацијата од кремаво маскарпоне, ароматични ф’стаци, богат чоколаден фил и бисквити натопени во кафе, го претвора секој залак во вистинско гурманско доживување. Лесен, но раскошен и доволно елегантен за најсвечените пригоди – овој тирамису е совршен десерт за посебни моменти.
Состојки
За кремот:
- Маскарпоне сирење – 250 г
- Слатка павлака – 200 мл
- Шеќер во прав – 2 лажици
- Екстракт од ванила – 1 лажичка
- Мелени ф’стаци – 100 г
За бисквитите:
- Бисквити (пишкоти) – 200 г
- Црно кафе – 1 шолја
- Ликер од кафе или рум (по желба) – 2 лажици
За чоколадниот прелив:
- Темно чоколадо – 150 г
- Слатка павлака – 100 мл
За украсување:
- Мелени ф’стаци – по вкус
Приготвување:
Изматете ја слатката павлака со шеќерот во прав и ванилата додека стане цврста.
Додајте ги маскарпонето и мелените ф’стаци и мешајте додека добиете мазен, богат крем. Оставете го во фрижидер да се стегне.
Загрејте ја павлаката до точка на вриење, прелијте ја врз исечканото чоколадо и мешајте додека се растопи и смесата стане мазна. Оставете да се излади.
Кратко натопете ги бисквитите во кафе (и ликер, ако користите), па наредете слој во чаша или сад.
Покријте со слој од кремот со ф’стаци, потоа прелијте со тенок слој прелив.
Повторувајте го редоследот додека се наполни садот, завршувајќи со чоколадниот прелив.
Оставете го десертот да се излади најмалку 4 часа, најдобро преку ноќ.
На крај, украсете со мелени ф’стаци и послужете го овој вистински деликатес со вкус на луксуз.
