Дуа Липа и Шер ја отворија годинешната церемонија во Куќата на славните на рокенролот со нивната изведба на хитот „Believe“ од 1998 година. Сепак, фановите не беа воодушевени од настапот на Липа.
Таа на сцената се појави сама, облечена во црн фустан, а подоцна ѝ се придружи и Шер. Таа носеше впечатлив кожен фустан, кој го комбинираше со високи чизми.
Пејачките се држеа за раце и го отпеаја хитот „Believe“, а еден корисник на Икс го објави нивниот настап.
„Шер се појави и им покажа на сите како Дуа Липа се бори за живот“, напиша тој во описот на објавата. Многумина се согласија со него и рекоа дека таа се мачи со тоналитеот на песната, кој не ѝ одговараше на гласот.
„Ужасно. Што се случи со неа?“, прашаа на социјалните мрежи, а следеа низа коментари за нејзиниот вокален настап.
„Шер е единствениот спас за изведувањето на оваа песна. Дуа Липа треба да се одмори и да тренира пеење“, „Дуа Липа нема глас да ги пее песните на Шер“, се дел од коментарите.
