„Држи се за мене“ го отвори фестивалот „Преку езерото“

Филмот „Држи се за мене“ на кипарската режисерка Мирсини Аристиду го отвори годинашното издание на Фестивалот на балкански и медитерански филм „Преку езерото“, кој се одржува од 8 до 15 јули во Дојран, Гевгелија и Струмица. Организаторите најавуваат богата филмска програма, бројни гости и специјални проекции посветени на истакнати македонски филмски уметници.

Директорот на фестивалот Јани Бојаџи соопшти дека годинашен добитник на наградата „Мето Јовановски“ е актерот Тони Наумовски. Тој истакна дека актерството е професија на постојано учење и нагласи дека Наумовски со својата кариера во театарот, телевизијата и филмот, како во Македонија така и во Њујорк, оставил значаен белег.

Тони Наумовски, заблагодарувајќи се за признанието, истакна дека наградата ја доживува како голема чест и потсети на огромното културно наследство што зад себе го остави Мето Јовановски. Наумовски минатата година за улогата во филмот „Лена и Владимир“ освои 14 награди за актерско остварување, а филмот беше прикажан на повеќе од 80 фестивали низ светот.

Селекторот на програмата Златко Гелески најави шест филма во официјалната конкуренција. Покрај „Држи се за мене“ од Кипар, во главната селекција се и „Коцкарот“ на Мохсен Бахари од Иран, „Кома“ на Агим Абдула од Македонија, „Месо“ на Димитер Стојанович од Бугарија, „Одразот во мртвиот дијамант“ на Елен Кате и Бруно Форцани од Белгија, како и „Кармадона“ на Александар Радивојевиќ од Србија.

Покрај долгометражните филмови, програмата опфаќа 16 краткометражни филмови, од кои десет се домашни продукции, шест се странски, како и 13 студентски филмови од трите филмски факултети во земјава.

Филмот „Држи се за мене“ на кипарската режисерка Мирсини Аристиду го отвори годинашното издание на Фестивалот на балкански и медитерански филм „Преку езерото“, кој се одржува од 8 до 15 јули во Дојран, Гевгелија и Струмица. Организаторите најавуваат богата филмска програма, бројни гости и специјални проекции посветени на истакнати македонски филмски уметници.

Директорот на фестивалот Јани Бојаџи соопшти дека годинашен добитник на наградата „Мето Јовановски“ е актерот Тони Наумовски. Тој истакна дека актерството е професија на постојано учење и нагласи дека Наумовски со својата кариера во театарот, телевизијата и филмот, како во Македонија така и во Њујорк, оставил значаен белег.

Тони Наумовски, заблагодарувајќи се за признанието, истакна дека наградата ја доживува како голема чест и потсети на огромното културно наследство што зад себе го остави Мето Јовановски. Наумовски минатата година за улогата во филмот „Лена и Владимир“ освои 14 награди за актерско остварување, а филмот беше прикажан на повеќе од 80 фестивали низ светот.

Селекторот на програмата Златко Гелески најави шест филма во официјалната конкуренција. Покрај „Држи се за мене“ од Кипар, во главната селекција се и „Коцкарот“ на Мохсен Бахари од Иран, „Кома“ на Агим Абдула од Македонија, „Месо“ на Димитер Стојанович од Бугарија, „Одразот во мртвиот дијамант“ на Елен Кате и Бруно Форцани од Белгија, како и „Кармадона“ на Александар Радивојевиќ од Србија.

Покрај долгометражните филмови, програмата опфаќа 16 краткометражни филмови, од кои десет се домашни продукции, шест се странски, како и 13 студентски филмови од трите филмски факултети во земјава.