Многу прекрасни фотографии останаа зад Метју Пери, кој почина на 28 октомври во својот дом во Лос Анџелес. Меѓу тие фотографии е и онаа досега необјавена, а која е снимена во 1995 година. Автор на таа фотографија е Џорџ Ланг, кој ја откри и приказната што се крие зад таа фотографија.
Џорџ Ланг во 1995 година добил задача да создаде серија фотографии на главните актери на ситкомот „Пријатели“ (Friends) за „Ентертејмент виклис фол ТВ“. Ѕвездите од серијата требало да се фотографираат во различни геометриски форми.
„Сфатив дека треба да се застанат внатре во тие предмети“, рекол фотографот и додал дека тој ден на снимањето настанал, хаос бидејќи актерите биле опкружени со портпароли, луѓе од ТВ-мрежи и папараци.
Ланг признал дека не размислувал што актерите требало да прават кога ќе влезат во тие кутии: „Но, јас реков: ‘Треба сите да се држите заедно’“, што беше совршена работа. И тие се држаа заедно и беа толку професионални, слатки или убави. Сите изгледаа неверојатно“.
Веста за смртта на Метју Пери, фотографот ја добил од својот син Џексон (16): „Гледаше Тик-ток и дојде веста. Тој се симна и ме праша: ‘Дали некогаш си го фотографирал Метју Пери?’ Го правев тоа големо снимање на ‘Пријатели’ во 1995 година и ги пронајдов тие фотографии и се појави и оваа фотографија“.
Ланг открил дека брзо доаѓа до совршени фотографии. Неговото мото е да им дозволи на луѓето кои се фотографираат да се однесуваат природно, да бидат тоа што се и да дозволи комуникацијата меѓу нив да биде спонтана. Со актерите на „Пријатели“ снимањето поминало одлично.
„Она што е толку убаво на таа фотографија од таа актерска екипа е што меѓу нив не постоеше само ментална и духовна, туку и физичка поврзаност. И тоа е една од ретките навистина успешни групни фотографии што некогаш сум ги направил“, рекол тој, пишува „Пипл“.
Џенифер Анистон и Метју Пери ги спојувала посебна врска, тој рекол дека најмногу му помагала додека се борел со зависностите и дека реагирала кога другите членови на актерската екипа забележале што се случува со познатиот Чендлер Бинг.
Метју Пери е пронајден мртов во џакузи во својот дом. Токсиколошката анализа ќе донесе конечна суд за причината за смртта.
