Далас Маверикс игра со осцилации во досегашниот дел на шампионатот во НБА лигата и по 15 натпревари има учинок од 8 победи и 7 порази што во моментов му го носат скромното десетто место на Западот.
Пред клубот од Тексас се нови предизвици, а во истите ќе мора да влезе без услугите на првата ѕвезда Лука Дончиќ. Словенецот има повреда на зглобот на десната рака и ќе паузира најмалку една недала што значи дека нема да биде во комбинација за второто сезонско балканско дерби против Никола Јокиќ и Денвер Нагетс.
Тој ќе ги скокне и соочувањата со Мајами Хит, Атланта Хокс и Њујорк Никс по што ќе се знае дали ќе се врати на терените или ќе мора да продолжи да одмара.
Плејмејкерот просечно постигнува по 28,2 поени, 7,8 скока и 7,8 асистенции во натпреварувачката 2024/2025.
