Македонските ракометни екипи имаа различнаа судбина во денешните дуели од новата регионална МРХЛ лига.
Битолски Еурофарм Пелистер на убедлив начин со 45-33 го надигра Ловќен. Филип Кузмановски даде дури 14 голови, Хенигман даде 10 гола, а се истакна и Митревски со одлични одбрани. Овој меч мина во знак на сеќавање и на Боро Чурлески, човекот по кој е крстена спортската сала во Битола, а Боро во минатото играше и за Ловќен.
За разлика од ефикасното издание на битолчани, на ГРК Охрид и само 22 гола му беа доволни за да победи на гости кај Будванска ривиера. Гладијаторите славеа со 22-20. Лиапис со 5 гола беше прв стрелец во македонскиот тим.
Алкалоид падна во вториот дел против Партизан, и загуби во „Автокоманда“ со 31-39. Од странските засилувања кај Алкалоид го немаше Сухолежник. Костески со 6 голови беше прв стрелец во тимот на тренерот Лазаров. Дамјановиќ со 10 голови се истакна кај гостите предводени од Раул Гонзалес.
