Ако барате начин како почесто да јадете салата, решението е едноставно – направете навистина добар прелив. Овој дресинг од лук и билки има свеж вкус и совршена количина на киселост од комбинацијата на вински оцет и сок од лимон. Доволно е густ за да го покрие секој зеленчук на вашиот чинија, но не е тежок, а можете да го направите за помалку од пет минути.
Потребно:
- 80 мл маслиново масло
- 45 мл вински оцет
- 30 мл свежо исцеден сок од лимон
- 1 чешне лук, ситно исечкан или истиснат низ алатка
- 1 лажичка мед
- 1 лажичка сушен оригано
- 1 прстофат крупна морска сол
- ½ лажичка дижон сенф
- 1 прстофат свежо мелен црн пипер
Подготовка: Во среден сад, измешајте го маслиновото масло, винскиот оцет, сокот од лимон, иситнетиот лук, медот, ориганото, солта, дижон сенфот и црниот пипер додека добро не се соединат и емулгираат. Алтернативно, можете да ставите сè во мала тегла, цврсто затворете и енергично протресете. Добар апетит!
Напомена: Преливот или дресингот може да се подготви до 24 часа однапред и да се чува во фрижидер во цврсто затворен сад. Промешајте кратко пред употреба. Дресингот може да се чува во фрижидер, во херметички затворен сад, до една недела. Промешајте повторно пред секоја употреба.
