Дневно по 200 деца има во амбулантско-поликлиничкиот дел, што поминуваат низ консултативните амбуланти вели Мирјана Поповска специјалист педијатар во „Козле“ и додава дека во моментов кај нив има околу шеесетина хоспитализирани деца.

– Најчесто станува збор за инфекции на долните дишни патишта. Најранлива, најзасегната категорија се доенчињата до една година, додаде Поповска.

Поповска потврди дека голема кашлица, пертусис, е потврдена кај шестмесечно бебе од Скопје а во исто време, хоспитализирано е едно дете со Ковид-19.

Според податоците на Институтот за јавно здравје, од 1 до 7 јануари, евидентирани се 72 нови случаи на Ковид-19 во државава.Директорот на Институтот за јавно здравје рече дека три случаи на пертусис – голема кашлица, се евидентирани во 2023 година, сите од Скопје, од кои еден во декември.

– “Од 1 до 7 јануари, евидентирани се 72 нови случаи на Ковид-19 во нашата држава. Починало едно лице со Ковид-19. Од новозаболените, најмногу се од Скопје – 36, потоа Охрид со 13, Битола со седум“, вели тој.