Рускиот тенисер Данил Медведев e запрен во осминафиналето на Мастерсот во Монте Карло. Австралиецот Алекс Де Минор беше подобар од него, победувајќи со 6-2, 6-2, по еден час и 13 минути игра.
Медведев ги доби воведните два меча, по три сета и триумф над Карен Хачанов и Александар Милер, но немаше шанса против Де Минор.
Де Минор во следното коло ќе игра против Григор Димитров кој во три сета го победи Алехандро Табил.
Австралиецот одигра совршен меч во комбинација на агресивност и спортска мудрост, сеприсутен и прецизен – а пред се решителен и смел да излезе од шематизираната игра на Русинот и да го доведе до фрустрирачко самоуништување, за што најдобро говори самиот резултат.
„Слушајте – на крајот од сезоната на земјена подлога минатата година, открив елементи во мојата игра што може да ме направат многу опасен за секој противник на оваа подлога. Научив како да ги генерирам тие аспекти од играта кога е време за нив, и со текот на годините мојата самодоверба во таа смисла неверојатно растеше. Се чувствувам навистина одлично“, рече Де Минор.
