Македонската Дејвис Куп репрезентација ја оствари главната цел на тенискиот турнир кој се одигра во Скопје, бидејќи без оглед на епилогот во пресметката со Летонија, ова попладне математички го завери пласманот во Втората Европска зона.
Победите над Малта, Молдавија и Ерменија не ставија да бидеме во поволна ситуација пред последното коло, а откако Црна Гора ја победи Молдавија со 3:0, стана јасно дека ние е загарантираното третото место.
Со тоа, Македонија прави скок и оди во Втората Европска зона во Дејвис Купот, па во ситуација кога тоа сценарио беше познато, малку важен беше дубл мечот против Летонија.
По одиграните сингл мечеви беше 1:1 во Скопје, но во игра на двојки подобри беа Летонците и запишаа уште една победа за крај на турнирот.
Кристијан Јанев загуби од Рихард Неиманис со 2:0, Калин Ивановски возврати против Артур Загарс со идентични 2:0, додека летонската двојка Озолинс/Стромбахс беше подобра од Ивановски и Мицов за конечни 2:1 за противникот.
