На слаломот во Шамони беше испишана историја откако Даниел Јуле стана првиот скијач кој успеал да победи откако на првата трка завршил како 30-ти.
Швајцарскиот скијач имаше најслабо време од триесетмината што се пласираа во втората трка, заостануваше скоро две секунди зад водечкиот Клемен Ноел, но подоцна во прилог му одеа промените на температурата.
Температурата на патеката се зголеми, снегот почна да се топи и како што одминуваше времето условите за скијачите стануваа полоши. Јуле излезе прв и така оствари најдобро време, додека најдобрите имаа поголеми проблеми со топењето на снегот и тоа се одрази на нивниот конечен пласман.
Зад Швајцарецот заврши неговиот сонародник Меилард со 16 стотинки послабо време, додека Ноел кој победи во првата трка мораше да се задоволи со третото место.