Речиси изминува 7 ден ден од војната во Израел, а бројот на жртвите продолжува да се зголемува. Голем број земји, меѓу кои и Македонија прават напори да ги евакуираат своите државјани кои бараат да ја напуштат тамошната територија и областа околу појасот Газа.

Македонската влада соопшти дека во соработка со „Ер Србија“ е организиран чартер лет на релација Тел Авив-Скопје, а како што се дознава авионот со српски и македонски државјани ќе полета од аеродромот во израелскиот главен град.

Дел од српските медиуми објавија видео од аеродромот во Тел Авив каде може да се види голема гужва пред поаѓање и нетрпение меѓу присутните државјани.

Летот за репатријација на Ер Србија евакуира граѓани од Тел Авив во Израел, пред се од Македонија, а во истиот имало и по некој Србин и Црногорец.

Во авионот на „Ер Србија“ имало вкупно 133 патници, од кои доминантно државјани на Македонија, кои го продолжиле патувањето од Скопје до Белград.

Српскиот амбасадор Душан Вујовиќ, пренесувајќи ја атмосферата на воодушевување, рекол дека патниците скандирале „Да живее Србија“.

„Го добивме и последниот патник во авионот. Ви посакувам се најдобро и ве поздравувам пред амбасадите на Србија и Македонија, конзулатот на Црна Гора и амбасадата на Албанија, од моите драги колеги кои организираа. Прво летаат за Скопје, па за Белград. Внимавајте и се надевам дека ќе се видиме во добри времиња. Се најдобро“, рекол Вујовиќ.

Авионот ќе ги евакуира патниците оставени од други авиокомпании, без можност за враќање дома.

Трошоците за летот се на товар на Владата на Македонија, пренесува Танјуг.