Грчеви, жештина и речиси четири часа тенис – Синер го преживеа Спицири и драмата во Мелбурн

Во меч обележан со тешки временски услови за игра, италијанскиот тенисер Јаник Синер го победи Американецот Елиот Спицири по пресврт со 3:1, по сетови 4:6, 6:3, 6:4, 6:4 и се пласираше во осминафиналето на Австралија опен.

Добро го започна мечот Спицири, 85. тенисер на светот, кој го освои првиот сет, но за да го победите Синер, сите коцки мора да ви се поклопат, што на Американецот не му се случи.

Во првиот сет беа разменети четири брејка, а Спицири при резултат 4:4 направи нов и потоа го потврди за освојување на првиот сет.

Текот на мечот беше таков што изгледаше дека се подготвува големо изненадување, бидејќи Спицири на почетокот на вториот сет направи нов брејк и поведе, додека Синер не беше на своето максимално ниво, бидејќи имаше проблеми со грчеви.

Сепак, при резултат 3:1 во вториот сет, мечот беше прекинат поради правилото за екстремна жештина. На „Род Лејвер арената“ потоа беше навлечен покривот, Италијанецот се одмори и успеа целосно да се врати во мечот.

Што е правилото за екстремна жештина?
Наместо едноставно мерење на температурата, системот на Австралија опен зема предвид повеќе фактори во реално време: температурата на воздухот, влажноста, интензитетот на сончевото зрачење и брзината на ветерот. Мерењата се вршат непосредно покрај терените, а резултатот се прикажува преку скала од 1 до 5, која одредува како турнирот функционира тој ден. На овој меч индикаторот го покажа бројот 5, што значеше прекин на мечот и навлекување на покривот.

По продолжувањето, Италијанецот брзо го врати брејкот и го освои тој сет со 6:3.

Во третиот сет, кој траеше најдолго – еден час и 16 минути, Спицири повторно прв му го одзеде сервисот на ривалот, но уште еднаш вториот носител на турнирот се извлече и со два брејка стигна до водство во сетови, освојувајќи го овој сет со 6:4.

Истото сценарио се повтори и во четвртиот сет. Спицири прв зададе удар, Синер се врати и направи решавачки брејк при резултат 3:3, а потоа лесно го приведе мечот кон крај за конечна победа од 3:1 во дуел кој траеше три часа и 44 минути.

Италијанецот во осминафиналето ќе игра против својот сонародник Лучано Дардери.

Во меч обележан со тешки временски услови за игра, италијанскиот тенисер Јаник Синер го победи Американецот Елиот Спицири по пресврт со 3:1, по сетови 4:6, 6:3, 6:4, 6:4 и се пласираше во осминафиналето на Австралија опен.

Добро го започна мечот Спицири, 85. тенисер на светот, кој го освои првиот сет, но за да го победите Синер, сите коцки мора да ви се поклопат, што на Американецот не му се случи.

Во првиот сет беа разменети четири брејка, а Спицири при резултат 4:4 направи нов и потоа го потврди за освојување на првиот сет.

Текот на мечот беше таков што изгледаше дека се подготвува големо изненадување, бидејќи Спицири на почетокот на вториот сет направи нов брејк и поведе, додека Синер не беше на своето максимално ниво, бидејќи имаше проблеми со грчеви.

Сепак, при резултат 3:1 во вториот сет, мечот беше прекинат поради правилото за екстремна жештина. На „Род Лејвер арената“ потоа беше навлечен покривот, Италијанецот се одмори и успеа целосно да се врати во мечот.

Што е правилото за екстремна жештина?
Наместо едноставно мерење на температурата, системот на Австралија опен зема предвид повеќе фактори во реално време: температурата на воздухот, влажноста, интензитетот на сончевото зрачење и брзината на ветерот. Мерењата се вршат непосредно покрај терените, а резултатот се прикажува преку скала од 1 до 5, која одредува како турнирот функционира тој ден. На овој меч индикаторот го покажа бројот 5, што значеше прекин на мечот и навлекување на покривот.

По продолжувањето, Италијанецот брзо го врати брејкот и го освои тој сет со 6:3.

Во третиот сет, кој траеше најдолго – еден час и 16 минути, Спицири повторно прв му го одзеде сервисот на ривалот, но уште еднаш вториот носител на турнирот се извлече и со два брејка стигна до водство во сетови, освојувајќи го овој сет со 6:4.

Истото сценарио се повтори и во четвртиот сет. Спицири прв зададе удар, Синер се врати и направи решавачки брејк при резултат 3:3, а потоа лесно го приведе мечот кон крај за конечна победа од 3:1 во дуел кој траеше три часа и 44 минути.

Италијанецот во осминафиналето ќе игра против својот сонародник Лучано Дардери.