Граѓаните едвај закажуваат за промена на документи, слободни термини од почетокот на октомври

Промената на документите на граѓаните (пасоши, лични карти и др.) освен што ги чини пари, бидејќи се на нивни трошок, предизвикува нервози и ги чини трошење нерви, бидејќи многумина се жалат дека имале тешкотии при закажувањето на термин за вадење нов документ.

Телефонските линии се недостапни, а додека пак страницата за закажување често е надовор од функција.

Според податоците добиени од економскиот оператор кој што за сметка на МВР го сервисира повикувачкиот центар, односно неговите 12 повикувачки линии, за аплицирање за лични документи во Скопје првиот слободен термин е во почетокот на октомври.

Напоменуваме дека, доколку граѓаните имаат итна потреба од документи, постои итна постапка преку која може веднаш да се добијат бараните документи. За другите градови, има слободни термини и во август. МВР максимално искористувајќи ги сите капацитети, работејќи и за викенди и за празници, ги презема сите мерки за граѓаните навремено да ги добијат своите документи, додаваат од МВР.

Граѓаните можат да закажат термин телефонски, но и електронски преку сајтот на МВР, но и преку порталот uslugi.gov.mk.