Измените на Изборниот законик се веќе доставени до партиите и до членовите на работните тела.

Можност на претстојните претседателски и парламентарни избори да се гласа и со истечени докумети за лична идентификација, поради законскиот рок за нивна замена со новото уставно име до февруари идната година е меѓу клучните промени содржани во предлог-измените на Изборниот законик, вели првиот човек на работната група Александар Новаковски.

Додава дека иземните се однесуваат само на забелешките од ОБСЕ/ОДИХР и ќе важат од изборите догодина.

Измените на Изборниот законик како што информираат од Правда се веќе доставени до партиите и до членовите на работното тело, а во текот на денешниот ден ќе бидат доставени и до ВМРО-ДПМНЕ, единствента партија која нема свој претсавник во групата.

Рокот до кој ќе можат да дадат свои предлози и забелешки, истекува на 24-ти октомври. Првиот човек на работната група Новаковски не очекува голем број забелешки од опоизициската партија бидејќи отаму во неколку наврати изразиле подготвеност да ги поддржат измени поврзани со забелешките на ОБСЕ/ОДИХР.

Во меѓувреме, иако и Ковечевски и Мицкоски се изјаснија дека и за двајцата е прифатливо, наместо на лидерска датуимите за избори и дали тие ќе бидат споени или одвоени да ги договараат партиски тимови, засега нема конкретна најава кога истите би се формирале.