Екипаж на рибарски брод морал да биде спасен во близина на источниот брег на Австралија, откако црн марлин тежок 70 килограми удрил во чамецот и го дупнал моторот.

Капетанот на рибарскиот брод долг 6,7 метри рекол дека екипажот фатил марлин во неделата, кој наеднаш се свртел и се упатил кон чамецот и удрил во моторот, уништувајќи го напојувањето.

Бродот се наоѓал на околу 32 километри од Тура Хед во јужен Нов Јужен Велс.

„Тоа се случи толку брзо“, рече капетанот, додавајќи дека рибата го пресекла најлонот.

Црните марлини имаат долга, остра сабја на дното на вилицата и можат да пораснат до максимална должина од 5 метри и да тежат над 700 килограми.

„Тоа беше необично спасување“, рече командантот на единицата за спасување на поморската пловидба Меримбула, Бил Блејкмен, кој бил дел од екипажот што го влечел рибарскиот брод назад на копно.