МВР лиши од слобода три лица кои според информациите на ресорното министерство на територија на Сирија се вклучиле во редовите на терористичката организација ИСИС.
Двајца од нив утрово се уапсени во земјава а третото лице кое исто така е македонски државјанин било лишено од слобода на територија на Франција. Акцијата е правена во соработка со Агенцијата за национална безбедност но и во соработка со француските служби по претходно издадена меѓународна потерница од Македонија посочија и денеска од МВР.
Лицата активно како борци учествувале во воените дејствија за целите на ИСИС во 2014-та, а сите материјали се предадени во Основното јавно обвинителство за организиран криминал и корупција од каде велат дека повеќе информации ќе имаат во текот на наредните денови. До трите лица е поднесена кривична пријава за кривично дело служба во непријателска војска.
