Манчестер сити ја забележа и втората победа во новата сезона на Премиер лигата, откако славеше со убедливи 1-4 на гостувањето кај Кристал палас.
Први голови оваа сезона постигна и Ерлинг Халанд, кој беше двоен стрелец, а првиот гол беше за водство на „граѓаните“ од 0-1 во 17-тата минута.
Откако во првото полувреме имаше само еден гол, во вториот дел следуваше вистинска голеада и четири погодоци. Рајан Шерки во 54-тата минута зголеми на 0-2, но само две минути подоцна домашните намалија на 1-2, откако топката се одби од пречката по ударот на Пино и од грбот на Донарума заврши во неговата мрежа.
Во 59-тата минута веќе беше 1-3, откако Рајан Шерки го постигна неговиот втор гол вечерва. Конечните 1-4 ги постави Ерлинг Халанд во 84-тата минута.
