Вил Смит жестоко ги негираше тврдењата дека еднаш бил фатен како има секс со актерот од „Принцот од Бел Ер“, Дуан Мартин.

Обвинувањата доаѓаат од неговиот поранешен личен асистент Брадр Билал, кој ова го изјавил во едно интервју. Билал тврди дека еднаш ги фатил Смит и Мартин како имаат секс во соблекувалната, пишува „Дејли меил“.

„Ја отворив вратата од соблекувалната на Дуан и тогаш ги најдов како имаат анален секс“, изјавил Билал во сега веќе виралното интервју.

Откако приказната се прошири, Смит се огласи преку портпарол и ја нарече приказната „целосна измислица“. Тој најави и тужба.

Дуан Мартин (58) беше во брак со актерката Тиша Кембел од 1996 до 2020 година. Со Смит соработуваше на неколку проекти, а во серијата „Принцот од Бел Ер“ се појави во две епизоди играјќи го ликот на Др. Дуан.