Холивудската актерка Гвинет Палтроу им се заблагодари на поротниците кои донесоа одлука дека таа не е одговорна за скијачката несреќа во 2016 во ресорт во Јута. Седумесет и шестгодишниот Тери Сандерсон ја тужеше глумицата дека се судрила во него, нанесувајќи му повреди кои му го промениле животот. Сандерсон, кој бараше отштета од 300 илјади долари, рече дека пресудата е „многу разочарувачка“.
Поротниците застанаа на страната на Палтроу (50), која го обвини Сандерсон за несреќата и поднесе тужба за 1 долар плус судски трошоци. Поротата ѝ додели на Палтроу 1 долар, симболична сума што таа ја побара за да покаже дека не се работи за пари.
Слушајќи ја пресудата пред судот, Палтроу гледаше право напред и изгледаше како благо да кимна со главата. На заминување, таа накратко застана да разговара со Сандерсон. Подоцна тој кажа дека таа му рекла: „Ви посакувам сѐ најдобро“, а тој ѝ одговорил: „Ти благодарам, драга“.
Во изјавата на Инстаграм до нејзините 8,3 милиони следбеници, оскаровката вели, „Чувствував дека прифаќањето на лажно тврдење го загрози мојот интегритет“. Палтроу вели дека е задоволна од исходот и им се заблагодари на судијата и осумчлената порота за „нивната внимателност во постапувањето со овој случај“.
