Професорката Тања Каракамишева, со критики за тоа што во земјава се нема основно познавање за многу работи.

„ Во државата се нема основно познавање за многу работи.

Загрижувачко е колку надлежни институции, високи функционери, судии, правници не знаат основни правно-политички поими и со тоа свое незнаење свесно или несвесно го девалвираат системот, ги бунат граѓаните, прават смут во државата!

Жално е колку незнаењето има метастазирано во сите пори.

Уставниот суд наместо да делува едукативно и да ги подучи граѓаните дека е погрешно да се толкува НАЦИОНАЛНА ПРИПАДНОСТ како ЕТНИЧКА ПРИПАДНОСТ, да им објасни и на политичарите дека националната припадност е припадност на нацијата што е еквивалент на државата, тој одлучи да влезе во материјална расправа и да поништи графа на национална припадност како неуставна?!

Наместо да ги исправи политичарите и институциите што погрешно ја толкуваат националната припадност, тие земале ја бришат?!?

Во Република Македонија сите мора да имаме МАКЕДОНСКА национална припадност!

Во графите на сите изводи мора да стои македонска национална припадност!

Тоа не смее да се брише!

Етничката припадност се запишува во посебна графа и таа припадност е нешто сосема друго!

Просто е!

Не е квантна физика ама некому како да му одговара оваа циркузијада!“, напиша таа на фејсбук.