Александар Волкановски се врати во УФЦ октагонот со победа во дуелот со Диего Лопес и повторно е носител на шампионскиот појас во перо категоријата во најпопуларното ММА натпреварување.
Австралиецот со македонско потекло го доби дуелот со Лопес на поени, односно по изјаснувањето на судиите кои му ја доделија заслужената победа, по борбата во која Волкановски навести дека е подготвен и за посериозни ривали.
Судиите гласале со резултат 49:46, 49:46 и 48:47 во корист на Волкановски, а неговиот триумф на УФЦ 314 ивентот во Мајами значи дека стана првиот натпреварувач со над 35 години кој стигнал до светската титула во категорија под 77 килограми.
Истовремено, за Волкановски ова беше многу важна победа, бидејќи доаѓа по двата последователни порази во дуелите со Махачев и Топурија, по кои многумина го „пензионираа“ искусниот ММА борец.
