Против жител на Демир Хисар е поведена истрага и тој е во притвор откако тој на луѓе им се заканувал дека ќе ги убие со што предизвикал страв меѓу жителите на ова место.
Во соопштението на Јавното обвинителство се вели дека Основното јавно обвинителство Битола поведе постапка против 50-годишен жител на Демир Хисар за кого постои основано сомнение дека сторил продолжено кривично дело – загрозување на сигурноста согласно член 144 став 3 во врска со став 1 и во врска со член 45 од Кривичниот законик.
На 31 октомври, во два одделни инциденти, осомничениот директно се заканувал на други жители на Демир Хисар дека ќе ги лиши од живот, предизвикувајќи кај нив вознемиреност и страв.
Судијата на претходна постапка од Основниот суд во Битола го прифати предлогот на јавниот обвинител и на осомничениот му определи притвор во траење од осум дена.
