Венецуелските безбедносни служби привеле двајца мажи осомничени за заговор за убиство на претседателот Николас Мадуро, соопшти државниот обвинител Тарек Вилијам Сааб чија изјава беше пренесувана на официјалните профили на социјалните мрежи.
„На 11-ти март, беа уапсени две лица… за објавување многу сериозни закани, уште еднаш поттикнувајќи на убиството на претседателот Николас Мадуро Морос за време на неговиот престој во Матурин“, рече Сааб, чиј говор беше објавен на социјалните мрежи од канцеларијата на јавниот обвинител. .
Како што објави обвинителот, уапсени се извесен Ренцо Флоресе, наредник кој дезертирал од венецуелската Национална гарда и Билдер Хозе Пиња, член на политичко движење именувана како „Кауза Р“, кои биле следен поради нивните поранешни заканувачки објави на социјалните мрежи.
Двајцата, според обвинителот Сааб, биле припадници на организацијата „Заедно за Монагас“ и од материјалите откриени во нивните мобилни телефони, имале планови за врбување на 50 активни војници за заземање воени складишта и оружје и организирање вооружен бунт во текот на кој да биде ликвидиран претседателот Мадуро.
Убиството на шефот на државата било планирано во текот на најавената посета на Мадуро на Матурин, додаде главниот јавен обвинител на Венецуела.
Венецуелските обвинители имаат намера да ги обвинат уапсените за наводен криминален заговор и обид за убиство во наредните часови.
Венецуела е во период на подготовки за одржување на претседателските избори закажани за 28-ми јули. Се очекува претседателот Николас Мадуро да се кандидира за реизбор, но не е јасно со кој опозициски кандидат ќе се соочи. Во јануари, Врховниот суд ја потврди забраната за јавна функција за Марија Корина Мачадо, која убедливо победи на прелиминарните избори на опозицијата во октомври, што доведе до повторно воведување на американските санкции.
Датумот на изборите е и роденден на починатиот претседател Уго Чавез, ментор и претходник на Мадуро, кој почина во 2013 година.
Власта и опозицијата ланскиот октомври се договорија гласањето да се одржи во втората половина на 2024 година и дека на секоја страна ќе ѝ биде овозможено да избере кандидат. Тие, исто така, се согласија дека меѓународните набљудувачи, вклучително и оние од Европската унија и Обединетите нации, ќе го следат гласањето.
Некои противници претходно изразија сомневање дека Мадуро ќе го поддржи договорот, а нивните стравови ги оправдуваат со ограничувањето на за противкандидатката Мачадо.
