„На Владата и се дадени барања и рокови во врска со Рудникот на смртта. Отпорот ќе се радикализира неминовно и нужно, ако не се реализираат тие барања и рокови. Времето на зборовите истече. Времето на симболични протести и блокади исто така.“ – ова е клучниот дел од соопштението на Граѓанската иницијатива „Спас за струмичката долина“, кое повторно го објави еколошкиот активист Крум Велков спроти седницата на Владата на Македонија, закажана за денес, 18 јули 2023 година, која најави дека ќе ја преиспитува одлуката за спојување на двете концесии за експлоатација на бакар и злато во месноста Иловица за компанијата Еуромакс Ресурсес“. Владата има правна можност да ја поништи таа своја одлука.

„Предолго трае оваа агонија со Рудникот на смртта Иловица-Штука, но мора да ја сопреме и ќе ја сопреме. СИТЕ ПРОТИВ РУДНИКОТ! Рудник на смртта – преку нас мртви!“ – се нагласува во вториот дел од соопштението на Граѓанската иницијатива „Спас за струмичката долина“, што го преобјави Велков на фејсбук, дополнително појаснувајќи ги, како што вели, и „тајните на рудниците на смртта“, кои ги крие „Погребалното претпријатие Еуромакс Ресурсес“:

Студијата за влијание врз животната средина за рудникот Иловица-Штука се уште е скриена од јавноста како „државна тајна“. Скриена е, затоа што најверојатно и логично во неа има препораки како следниве од Студијата за влијание врз животната средина за Казандол кај Валандово: 1. Редовни медицински прегледи на луѓето и стоката; 2. По потреба иселување на населението.

Едно време Еуромакс Погребално говореа дека ќе отвореле и болница. Ем да не трујат, ем да ни земаат пари. Колку отровно, нели? Ех, каква убава истрага ќе има еден убав ден!