Семејството на Брус Вилис го поминува секој слободен момент со него, бидејќи не се сигурни „колку време“ му преостанува.
Омилената акциона ѕвезда деновите ги поминува заедно со сопругата Ема Хеминг, поранешната сопруга Деми Мур и нивните пет деца.
На Брус официјално му беше дијагностицирана фронтотемпорална деменција на почетокот на 2023 година, речиси една година откако објави дека се повлекува од актерството поради афазија, што предизвикува тешкотии во говорот.
Оттогаш, неговото семејство продолжило да споделува ажурирања за влошената состојба на филмската ѕвезда на социјалните мрежи.
Сега извор близок до семејството откри дека состојбата на ѕвездата се влошила во последните недели.
– Брус има добри и лоши денови, но во последните два месеци има многу повеќе лоши отколку добри денови – рекол изворот за „Us Weekly“, додавајќи:
– Ова искуство уште повеќе го зближи целото семејство. Никој не знае колку време му преостанува на Брус, па го впиваат секој момент што го имаат со него.“
Друг извор додаде дека четирикратниот добитник на Златен глобус има деноноќна нега, но барем еден член на семејството е секогаш со него.
Брус неодамна го прослави Денот на благодарноста со целото семејство и беше виден како се радува на групна фотографија објавена на Инстаграм.
Сопругата на Брус, Хеминг Вилис, во ноември призна дека „се бори со вината“ додека се грижела за својот сопруг.
– Се борам со чувството на вина, знаејќи дека имам ресурси кои другите ги немаат – изјави таа за Sunday Piper.
– Кога ќе можам да прошетам за да си ја исчистам главата… Кога она што го кажувам за патувањето на нашето семејство ќе го привлече вниманието на медиумите, знам дека има многу илјадници нераскажани, нечуени приказни, од кои секоја заслужува сочувство и грижа – рече Хеминг, додавајќи дека се надева дека ќе продолжи да биде „застапник“ на оние кои исто така минуваат низ нејзиното искуство:
– Гледам дека тоа што го споделувам е важно за другите кои можеби се мачат и на мал начин прави да се чувствуваат видено и разбрано.“
