„Не се само Викторија и Дејвид, и неговите три тетки исто така споделија објави за роденденот“, вели извор близок до Бекамови за 27-иот роденден на Бруклин. Иако имаше честитки од родителите, од брат му, па и од дедо му, Бруклин единствено ја сподели објавата од неговата сопруга Никола.
На 04.03 Бруклин Бекам го прослави 27-иот роденден, а и покрај конфликтот, неговите родители беа меѓу првите кои му честитаа.
Најпрво, Дејвид Бекам сподели стара фотка од него, Викторија и Бруклин, а под неа пишува „Те сакаме“.
На друга објава на Инстаграм Стори сподели уште една фотографија на која Бруклин е уште дете, исто така со роденденска честитка и зборовите „Те сакам“.
Викторија Бекам ја сподели првата објава на Дејвид, а потоа објави и фотографија на која позира со Бруклин додека тој е бебе.
„Среќен 27-ми роденден. Многу те сакам“, пишувана објавата.
Од Бруклин нема апсолутно никаква реакција за објавите на родителите и тој единствено ја сподели честитката од Никола Пелц.
Сопругата му честита со видео на кое Бруклин дува свеќи од роденденски крофни. На масата има неколку подароци, како и балони.
„Среќен роденден миличок. Се надевам дека сите соништа и желби ќе ти се исполнат!
Ја осветлуваш секоја просторија во којашто влегуваш и сите што те познаваат, те сакаат.
Ти си навистина посебна личност и сакам што сум твоја сопруга. Те сакам, те сакам, те сакам“, стои во описот.
Иако Бруклин целосно ги изигнорира честитките на родителите, извори блиски до Бекамови велат дека тие нема да се откажат од него.
„Можат да се издигнат над нападите и да ја видат поголемата слика, односно дека го сакаат нивниот син без разлика на сè. Го сакаат безусловно и тоа нема да се промени“, вели изворот.
Тој додава и дека други членови на семејството пробале да склучат примирје со Бруклин на ист начин.
„Не се само Викторија и Дејвид, и неговите три тетки исто така споделија објави (за роденденот).
Ова покажува дека сите му го посакуваат само најдоброто и сите се подготвени да стават крај на сето ова бидејќи го сакаат и се грижат а него“, вели изворот.
Изворот вели и дека се навистина тажни што единствениот начин на кој можат да стапат во некаков контакт со Бруклин е преку социјалните мрежи.
И Ромео Бекам се обиде да допре до брат му, но на посуптилен начин.
На Инстаграм Стори сподели фотографија од него и Бруклин како деца, но не стави никаков опис.
Дедо му, пак, сподели неколку фотки на кои позира со Бруклин, но и со Никола, како и со неговата сопруга Хилари.
„Среќен роденден Бруклин. Се надевам дека имаш прекрасен ден. Со љубов од дедо и Хилари“, стои во описот.
Според некои извори, Бруклин сепак е во подобар однос со дедо му Тед и неговата сопруга Хилари, а наводно и редовно контактирале.
Сепак, самиот го нема потврдено ова.
За потсетување, во јануари Бруклин откри која е причината за влошениот однос со родителите.
Според него, Дејвид и Викторија пробувале да му го саботираат бракот, како и дека брендот „Бекам“ им бил многу поважен од самото семејство.
Дејвид и Викторија не се огласија за објавата на Бруклин, но досега неколкупати пробувале да ги подобрат односот со него.
На пример, на Нова година Дејвид сподели неколку фотки на Инстаграм на кои се гледа и Бруклин, а во описот вели дека сите ги сака многу.
Објавата ја сподели и Викторија.
