Поп ѕвездата Бритни Спирс го избриша својот Инстаграм профил на 2 ноември, по низа загрижувачки објави поради спорот со поранешниот сопруг Кевин Федерлајн околу неговите неодамна објавени мемоари, пишува „Пипл“. Нејзините следбеници изразија загриженост поради содржините што ги споделуваше во последните недели, вклучувајќи и видео со модринки на рацете.
Бритни објавуваше видеа со танцување во дневната соба, но ги исклучи коментарите на објавите за нејзините деца, Џејден Џејмс (19) и Шон Престон (20).
Едно од видеата, објавено на 7 октомври, покажуваше дека Спирс имаше модринки на рацете и завои околу рацете и зглобовите. Во описот објасни дека паднала по скалите и спомена дека нејзините синови морале да се вратат на Хаваи, каде живеат со Федерлајн.
„Моите момци мораа да се вратат во Мауаи“, напиша таа, додавајќи: „Ова е начин на кој се изразувам и молам преку уметност … не сум тука за жал, сакам да бидам добра жена и да бидам подобра … и имам одлична поддршка, па ви посакувам прекрасен ден!“
Во друга објава, на 19 октомври, Спирс се осврна на својата рехабилитација во 2018 година за време на 13-годишната старателска забрана и влијанието што тоа го имало врз нејзиниот живот. Во објавата напиша дека претрпела „оштетување на мозокот“.
Во мемоарите на Федерлајн, се изложени разни тврдења за Спирс, нивниот брак и нејзиниот однос со децата. Медиумите пренесоа наводи за нејзиното однесување како родител, наводна неверство и чувство на страв дека ѝ може да се случи нешто лошо.
Спирс на 15 октомври преку социјалната мрежа Икс го обвини Федерлајн дека „постојано манипулира“ и го бранеше својот однос со децата. Таа го критикуваше и неговото појавување во медиумите, тврдејќи дека тој „буквално ја напаѓа“ во интервјуата.
Семејството на Бритни Спирс е загрижено за пејачката:
„Сите ѝ посакуваат најдобро, но таа моментално носи лоши одлуки“.
Претставниците на Спирс одговорија на обвинувањата од мемоарите на Федерлајн:
„Со новите информации од книгата на Кевин, тој повторно профитира на нејзина сметка, што доаѓа откако заврши алиментацијата. Бритни се грижи исклучиво за своите деца, Шон Престон и Џејден Џејмс, и нивната благосостојба за време на оваа сензационализација. Сè е детално опишано во нејзините мемоари.“
