Познатата пејачка продолжи да споделува чудни објави на Инстаграм, а во една од последните ги извести своите следбеници дека сега има друго име.
Бритни Спирс (42), која неодамна, како што и самата признава, минува низ тежок период, повторно ги шокираше сите со објавата дека го сменила името и дека сега сите можат да ја викаат Ксила.
Поранешната поп-икона шест месеци откако објави дека се разведува, беше на одмор, од кој ги сподели своите впечатоци преку неколку бизарни и неповрзани објави.
Бритни сега тврди дека има потешкотии да го разбере мајчиниот јазик, англискиот и дека тоа се случило откако го променила своето име на социјалните мрежи.
– Откако го сменив името во Ксила, тешко разбирам англиски – напиша таа, а потоа додаде неколку впечатоци од нејзиниот одмор.
– Одењето во теретана никогаш не е како што изгледа. Овој пат џвакав гума за џвакање и се шокирав од мојот одраз во огледалото, толку сум ниска! Возев велосипед со другарка и се изгубив затоа што отидов предалеку.Потоа играв тенис – продолжи пејачката.
Во следната објава таа зборуваше за телефонот, фустанот и за тоа како сака да биде сама, пишува „Majami Herald“.
– Мислев дека го изгубив телефонот, но тој всушност беше под скалата. Фустанот што го носам е единствениот што ми стои. Кога излегувам на вечера сакам да бидам сама, знам дека сум чудна… – продолжила Бритни.
И додека името на нејзиниот профил на Инстаграм сè уште е @Britni Spears, во описот на нејзиниот профил пишува Xila Maria River Red, без никакво објаснување.
