Сезоната на јагоди полека започнува, бидејќи првите црвени убавици оваа година веќе можат да се видат на пазарите, пиљарите и маркетите. Со привлечната боја и мирис, па дури и цената, многу луѓе „брзаат“ и ненамерно купуваат премногу јагоди. За вакви случаи, но и ако сте расположени да подготвите колач, ви носиме рецепт за освежителен десерт на база на јагоди и јогурт. Со неколку состојки, испечете колач во една тава што ќе го направи целиот стан да мириса убаво.
Потребно:
- 2 јајца
- 150 г шеќер
- 180 г брашно
- 1 прашок за печиво
- 200 мл течен јогурт
- 100 мл масло
- 200 г јагоди
Подготовка: Загрејте ја рерната на 180 °C. Измијте ги јагодите, отстранете им ги стеблата и исечете ги на парчиња. Во сад, изматете ги јајцата и шеќерот додека не станат лесни и пенасти. Додадете го јогуртот и маслото и добро измешајте. Во друг сад, измешајте го брашното и прашокот за печиво, потоа постепено додавајте го ова во смесата и мешајте нежно додека не добиете мазна смеса. Намастете го калапот и лесно набрашнете го, а потоа истурете ја смесата. Наредете ги јагодите одозгора. Печете 30 до 35 минути и проверете со чепкалка за заби пред да го извадите дали колачот е печен.
