Салата од компири каква што досега не сте пробале, кремаста и вкусна. Идеална е како вечера или како прилог за овие летни денови, а е готова за само 15 минути.
Потребно:
- 500 гр компири
- 1 голем морков
- Малку сол
- Црн пипер
- 1 лажица сенф
- 100 гр павлака или кајмак
- 50 гр мајонез
- Свеж магдонос
- Малку масло
- Малку оцет
- Неколку шери домати
Подготовка: Излупете ги компирите и морковот. Исечете ги компирите на мали парчиња, а морковите на кругови. Ставете ги во тенџере и варете околу десет минути, додавајќи малку сол доколку е потребно. Кога компирите и морковите ќе се сварат, оставете ги настрана да се изладат и подгответе го дресингот. Добро измешајте го сенфот, павлаката и мајонезот во посебен сад, а магдоносот ситно исечкајте го и додадете го во дресингот со малку масло, оцет, сол и бибер. Ставете ги компирите и морковите во стаклен сад и прелијте го дресингот врз нив и добро измешајте. Изладете и послужете како прилог со малку месо, а по желба додадете неколку шери домати одозгора.
