Бред Пит своевремено дал големо интервју за „Vogue“, а во фокусот било промовирање на неговиот бренд за нега на кожа на мажи „Le Domaine Skincare“.
Очекувано, во текот на разговорот за тоа како мажите треба да се негуваат и што е тоа што е ново и што го нуди неговата козметичка линија, актерот се осврнал и на тоа кого го смета за најзгоден маж на светот.
„Знаете, во светот на актерството, затоа што тоа е мојата работа со која се занимавам секој ден, мислам дека тоа е Пол Њуман. Затоа што толку грациозно остаре. И според сите извештаи беше навистина посебно, талентирано, топло и искрено човечко битие“, изјавил Бред Пит, па додал:
А, доколку треба да именувам некој од луѓето кои сѐ уште се меѓу нас, па морам да го истакнам Џорџ Клуни, зошто да не?“.
Бред Пит додал и дека неговата тајна на добриот изглед не е комплицирана – малку здрава храна и вежбање, но ништо опсесивно, работа на креативноста, време поминато со блиските луѓе.
Сепак, на финалето на овогодишниот Вимблдон тој го покажа своето лице кое одговара на 15-на години помлад маж, па веруваме дека тука „прсти вмешале“ и естетските операции.
Бред одговорил и на прашањето како се гледа себеси во иднина:
„Колку што сум постар толку повеќе размислувам за квалитетот на животот и трошењето време и сигурно ќе се посветам на тоа. Мислам дека по изолацијата многумина помислија така да го поминуваат своето време, зошто така се создадени, но на што ги посветиле своите животи? И мислам дека семејството и пријателите на крајот се сѐ што е важно“, изјавил тој.
