Бора Ѓорѓевиќ попознат како Бора Чорба, со својот бенд „Рибља Чорба“ е 45 години на сцената, а на крајот од минатата година, одржаа концерт во Скопје.

Според Бора, денешниот начин на живот не е здрав, за разлика од неговото време и неговата младост. Српскиот рокер ова детално го образложи и се сети на своето детство во емисијата „Еден на Еден“, која ќе ја гледаме в недела, од 18.30 на Канал 5.

– Модерното време за мене е катастрофа. Јас не знам дали денешните деца знаат вистински да се забавуваат, да излезат во парк, да фатат девојка за рака. Јас сум среќен што моето време поминува и нема да го фатам тоа време на вештачка интелегенција и вештачки луѓе. Традиционалните вредности, верата, нацијата, семејството, сето тоа изумира и сето тоа го наметнива новиот светски поредок. Денешниве деца, кога тргнуваат во прво одделение веднаш размислуваат: „Колку ќе заработам кога ќе завршам?“ – рекол Бора и се сети на своето детство во Чачак каде што е роден и израснат.

– Станот каде што живеевме ни беше на влезот на Градскиот парк. Имавме гитари, свиревме, во паркот имавме проби, секој имаше своја клупа. Потоа дојдоа и други бендови, па сите свиревме заедно – рекол Бора. Во видеото во продолжение, погледнете мал дел од интересните приказни на Бора Чорба во „Еден на Еден“.