ДЕЛ ОД МОНОГРАФИЈАТА „СЛАВЕ КАТИН – ЖИВОТ И ДЕЛА“
Монографијазабизнисменот„БлагојаМехан–џиски“-Зегин,„Македонска искра“ и ЗЕГИН, Скопје, 2015, на 450 страници, е готова, и се отпечатени пет (5) примероци за Библиотеката „Св. Климент Охридски“ за добивање ЦИП и десеттина примероци за негови пријатели. Таа е на македонски и англиски јазик и е посветена на бизнисменот, хуманистот и донаторот Благој Механџиски. Име, кое е познато и респектирано на низа полиња и децениски потврдено во бизнис заедницата во Република Македонија.
Во исто време делото е посветено на 30-годишниот јубилеј на веледрогеријата „ЗЕГИН“, на 45 годишнината за посветеноста на бизнисот и 75 годишниот живот и дело на Благој Механџиски.
Во исто време монографското дело „Благој Механџиски“ е и скромен пример за афирмација на аптекарството во Македонија, на Балканот и пошироко, афирмација на минатото, сегашноста и иднината на компанијата ЗЕГИН, како и на Русиново, убавиот Малеш и на Македонија.
Животната приказна за Благој и неговото семејство Механџиски започнала во убавата Малешевија, во селото Русиново. Питом и мирен регион, исто толку и дарежлив и сѐ уште неоткриен дел од природата, а богат со културно наследство.
Предел во кој се родени или имаат потекло плејада македонски револуционери, интелектуалци, бизнисмени, професори, новинари, научници, книжевници, различни стручњаци и други личности кои се борат за афирмација на својот крај, на македонската вистина и кои постигнале видни резултати на различни полиња.
Меѓу нив посебно се истакнува Благој Механџиски, за кого со право се вели дека е еден од најголемите македонски бизнисмени и хуманисти. Тој со својата харизма, упорност и докажани дела и вредности, како и со неговата неотстапност останува доследен и горделив Македонец, двигател на мислата за слобода во аптекарството, за што заслужува големо признание.
Многумина рекле и напишале дека Благој, Бари, Зегин е еден и единствен, неповторлив. Бизнисот проникнува од неговото срце, па тој го храбри, воздигнува, облагородува, збогатува, го храни и ги напојува луѓето кои купуваат во „ЗЕГИН“,а тоа му го дарила судбината, додека мисијата му го трасира патот да биде посветен деловен човек, хуманист, донатор, добротвор.
..
Животната и бизнис сага на Благој Механџиски, истовремено е еден вид сторија и историска вистина на Малешевијата, на Македонија, на деловното живеење, на успесите, падовите и постигнувањата на една голема компанија како што е „ЗЕГИН“. Со оваа автобиографија за животниот пат, дело и постигнувања, сублимирано се проектира најновата фаза на историјата на деловниот живот во Македонија. Меѓу нив посебно се истакнува Благој Механџиски, за кого со право се вели дека е еден од најголемите македонски бизнисмени и хуманисти
.
Монографија „Благој Механџиски“ беше готова уште во 2016 година, но од презафатеност на господинот Благој Механџиски-Зегин, печатењето се одложи за некое друго време. Но тоа друго време траеше до 2022 година кога бев поканет на прослава во Берово, за потоа да се договориме за сите дополни кои се случија во изминатиот перио. За жал, тоа траеше само за тој период и како да се заборави дека треба да се печати неговата монографија. Дури и рекламниот материјал за ЗЕГИН што го ставив во моите дела „Ираел и Македонија“ и „Македонски иселенички меридијани“ остана да ги должи бизнисменот и богатиот Благој Механџиски.
Инаку, за Благој Механџиски се објавени триесет и пет (35) продолженија во порталот „Македонска нација“. Истите (35) продолженија се објавени и во „Мскедонско сонце“.
Продолжува
Пишува: СЛАВЕ КАТИН
