Во празнична атмосфера на Платото пред Офицерскиот дом, битолчани ја дочекаа Новата 2024 година.
Дел од музичката програма беа настапите на „Eruption Band“, „Elicsir band“, Групата „Чоканче“ и Битолскиот дувачки оркестар и стендап комедијата на актерот Марјан Ѓорѓиевски.

Точно на полноќ, впечатливи светлосни ефекти го означија почетокот на 2024 година, а градоначалникот на Битола, Тони Коњановски на сите граѓани им посака многу здравје, среќна и успешна година.

Традиционално, планинарите од групата „Олимпус Монс“, синоќа го започнаа искачувањето на Пелистер, како дел од првиот настан за оваа година, насловен „Први на први“.