Били Џин Кинг и Боби Ригс го одиграле последниот меч на „двата полови“ во далечната 1973-та година, но пет децении подоцна, Ник Кирјос е подготвен за слична пресметка против најдобрата светска тенисерка.
Австралискиот тенисер долго е надвор од терените поради повредите кои го оневозможуваат да игра на највисоко ниво, но за крајот на годинава е решен да приреди тениски спектакл, и тоа против Арина Сабаленка.
Иако се уште нема точни детали за тоа каде би се одржал настанот, Кирјос во интерјвуто за „Ток Спорт“ сподели дел од моментите кои веќе ги разработиле со Белорусинката, која во овој момент атакува на прва титула на Вимблдон.
– Јас и Сабаленка размислуваме на „битка на половите“ и планираме да ја организираме подоцна во текот на годината. Во прв момент, теренот треба да биде помал во половината која ќе ја брани таа, а јас ќе имам право на само еден сервис.
– Нервозен сум кога зборувам за ова, бидејќи сигурно нема да биде лесно. Таа е во најдобра форма во нејзината кариера, – вели Кирјос.
