Младата пејачка Били Ајлиш во новото интервју за „Варајети“ отворено проговори за односот со жените и призна дека ја привлекуваат, пишува „Инсајдер“.
Пејачката, која е на насловната страница на изданието „Пауер оф вимен“, изјави за магазинот дека во текот на животот се борела да се поврзе со другите девојки и жени.
„Никогаш не сум се чувствувала како да можам многу добро да се поврзам со девојките“, рече Ајлиш.
Сепак, тоа почна да се менува на почетокот на оваа година кога таа ја сними оригиналната песна за филмот „Барби“, во режија на Грета Гервиг.
„Многу ги сакам. Ги сакам како луѓе. Ме привлекуваат луѓе. Навистина ме привлекуваат. Физички ме привлекуваат. Но, ме заплашуваат нивната убавина и присуство“, објасни таа.
Иако Ајлиш не користела конкретен термин за да ја означи својата сексуалност, новинарот го опиша цитатот како „откровение“.
Во интервјуто таа додала и дека никогаш не се чувствувала како жена.
“Никогаш не се чувствував пожелно. Никогаш не се чувствував женствено. Морам да се убедам себеси дека сум згодна девојка. Се идентификувам како ‘таа’ и такви работи, но никогаш не сум се чувствувала како девојка“, додаде Били.
