Австралискиот премиер Ентони Албанезе денес изјави дека сликите од повреден австралиска новинарка за време на протестот во Лос Анџелес се „ужасни“ и дека неговата влада контактирала со САД во врска со инцидентот.
„Веќе ги покренавме овие прашања пред американската администрација. Не го прифаќаме она што се случи“, изјави Албанезе за новинарите, објави Ројтерс.
Австралиската новинарка на „9News“, Лорен Томаси, беше застрелана со гумен куршум во Лос Анџелес во неделата за време на протестот против имиграциската политика.
„Малку ме боли, но добро сум. Важно е да продолжам да ги раскажувам приказните што треба да се раскажат“, напиша Томаси на X.
Немирите во некои делови од Лос Анџелес избувнаа како одговор на активностите на Министерството за имиграција на САД (ICE), кое изврши рации во претпријатијата во потрага по нелегални работници, т.е. имигранти.
Пентагон потврди дека американскиот претседател Доналд Трамп наредил распоредување на 2.000 војници од Националната гарда и 700 маринци во Лос Анџелес како дел од федералниот одговор на протестите.
